Rondeau: “Au bon vielx temps”
by Clément Marot (1496-1544)

Au bon vieulx temps un train d’amour regnoit,
Qui sans grand art, et dons se demenoit,
Si qu’un bouquet donné d’amour profonde,
S’estoit donné tout la Terre ronde,
Car seulement au cueur on se prenoit.

Et si par cas à jouyr on venoit,
Sçavez vous bien comme on s’entretenoit?
Vingt ans, trente ans: cela duroit ung Monde
         Au bon vieulx temps.

Or est perdu ce qu’amour ordonnoit,
Rien que pleurs feincts, rien que changes on n’oyt,
Qui vouldra donc qu’à aymer je me fonde,
Il fault premier que l’amour on refonde,
Et qu’on la meine ainsi, qu’on la menoit
         Au bon vieulx temps.

Views: 35